Greco (sive graeco) antiquo (in greco antiquo: Ἑλληνική, Hellēnikḗ; in greco moderno: Ελληνικά, Elliniká) es lingua locuto inter seculo IX AEC et seculo VI EC in Grecia antiquo et territorios sub influentia greco in Mediterraneo orientale, et post isto in Imperio byzantino.
Scripto in alphabeto greco, greco antiquo es lingua majore de litteratura, philosophia, scientia et cultura in Europa de Antiquitate. Auctores de expressione greco sicut Homero, Sophocle, Socrate, Platone, Aristotele, Euclide, Archimede, Galeno… habe influentia majore super civilizatione occidentale, et hodie, radicales grecos (in generale sub forma latinizato) es semper usato pro forma vocabulario scientifico et technico.